Біз туралы

Радиостанция туралы:

2025 жылдың 1 мамырынан бастап Қазақстан Республикасы Президентінің Телерадиокешенінің жаңа медиа-жобасы «Жібек жолы» радиоарнасы эфирге шыға бастады.

«Жібек жолы» – ақпараттық-музыкалық радиостанция. Эфир заманауи қазақстандық музыка, өзекті жаңалықтар, авторлық хабарлар мен тікелей эфирлерден тұрады.

Эфирде отандық орындаушылардың әндері, музыканттар, әншілер, стенд-ап әзілкештерімен, блогерлер мен медиа тұлғалардың қатысуымен бағдарламалар өтеді. Отандық әншілердің жаңа толқынының әндері радио плейлистінің негізі болып табылады. Сонымен қатар, радиостанция Орталық Азия елдерінің орындаушыларымен де байланысты белсенді дамытып, трансшекаралық музыкалық жобаларды іске қосуды көздейді.

Бағдарламалар және хабар тарату форматы:

Радиостанция эфирінің 60 пайызы қазақ тіліндегі музыка, ал 40 пайызы орыс тіліндегі қазақстандық музыка. Мақсатты аудитория — 25 пен 45 жас аралығындағы заманауи медианы пайдаланатын белсенді тыңдармандар.

• «Таңғы Эспрессо» – жұмыс күндері 07:00–10:00 аралығында Жасұлан Айсағали мен Ділбар Жұмекенова жүргізетін таңғы шоу
• «JJ PRIME» – жұмыс күндері 18:00–20:00 аралығында Бекнұр Нұрмағанбет пен Қырмызы Жандосова жүргізетін кешкі прайм-тайм
• «Дневной FLOW» – Айза Аблакиммен күндізгі көңілді диджей сағаты, 12:00–14:00
• «Art week» – мәдениет, спорт және ойын-сауық әлеміндегі негізгі оқиғалар (сенбі-жексенбі, 12:00–16:00), жүргізуші — Маржан Нұржанова
• «Ел тынысы» – эксклюзивті подкаст-сұхбат, бейсенбі және жұма күндері 14:00–15:00, микрофонда — Маржан Нұралы

Жаңалықтар жұмыс күндері сағат 08:00–20:00 аралығында әр сағат сайын эфирге шығады. Сонымен қатар, мәдениет, экономика, технология, білім және басқа да тақырыптарға арналған қысқа аналитикалық блоктар бар.

«Жібек жолы» радиосын ресми сайттан және «Otau-TV» (40-арна) спутниктік платформасынан онлайн тыңдауға болады.

Миссиясы:

«Жібек жолы» — бұл қазіргі дәуірдің үні, мәдени бастамаларды, музыканы және өзекті контентті біріктіретін платформа. Радио аймақтық медиакеңістікті нығайтып, тыңдармандардың сүйікті шабыт пен ақпарат көзіне айналуды мақсат етеді.